લોક વાયકા પ્રમાણે ગંગર નુખના વળવાઓ લગભગ ૫૦૦ વરસ પહેલા કાંડાગરાની આ પ્રતાપી ભૂમિ પર પગ મુક્યો અને કંઠના ઝાડ પર તોરણ બાંધી ગામ વસાવિયું

સમય જતા અન્ય નુખના વિશા ઓશવાલ તથા અન્ય જ્ઞાતિ ના પરિવાર સામાજિક ,ધાર્મિક, જીવદયા, ખેતીવાડી, વગેરે પ્રવૃત્તિઓ થવા લાગી. સમય પ્રમાણે પ્રવૃત્તિઓ વિસ્તૃત થઇ. નવી પ્રવૃત્તિઓ ની શરૂવાત થઇ જેવી કે શિક્ષણ. વૈદ્કીયે વગેરે.

મહાજનશ્રી ને આરંભકાળથી જ ખંતીલા , નિસ્વાર્થી, અનુભવી અને ઉદારદિલ ધરાવતા કાર્યકરો મળતા રહ્યા છે.

૧) તા ૨૦.૧૨.૧૯૫૩ થી મહાજનશ્રી ને બંધારણ બનાવામાં આવ્યું. હોદેદારોની ચુંટણી કરવામાં આવી. શ્રી કુવરજી પ્રેમજી છેડા ની પ્રથમ પ્રમુખ તરીકે મહાજનશ્રી નું સુકાન સાંભળ્યું.

૨) તા ૩૧-૦૧-૧૯૭૭ ની સામાન્ય સભામાં પ્રમુખ તરીકે શ્રી લહેરી હીરજી શાહ ચુટાયા
૩) તા ૩૧-૦૧-૧૯૭૮ ના સામાન્ય સભામાં પ્રમુખ તરીકે શ્રી ભવાનજી શામજી છેડા ચુટાયા
૪) તા ૨૬-૦૩-૧૯૭૯ ની સામાન્ય સભામાં પ્રમુખ તરીકે શ્રી તિલક ખેતશી શાહ ચુટાયા

તા ૪-૩-૧૯૮૪ ના રોજે શ્રી સેવા સમાજ અને ફ્રેન્ડઝ સર્કલ વચ્ચે એકીકરણ કરવામાં અગ્રીમેટ કરવામાં આવ્યું. તા ૨૩-૧૧-૧૯૮૫ થી નવું બંધારણ ઘડવામાં આવેલ. ત્યારથી શ્રી તિલક ખેતશી શાહ પ્રમુખ તરીકે સુકાન સાંભળી રહ્યા છે.


ગામ નો ગૌરવ

હાલ માં મહાજનશ્રી ની અનેક પ્રવૃત્તિઓ સુંદર ફળસ્તૃત ચાલી રહી છે.

મહાજનશ્રી ની વિવિધ પ્રવૃતિઓ
૧) શ્રી હંસરાજ મોના સુરા પાઠશાળા
સવંત ૧૯૯૦ માં માતૃશ્રી કુંવરબાઈ હંસરાજ તરફથી ૨૭૦૦૧/- કોરી નું માતબર દાન મહાજનશ્રી ને પાઠશાળા શરુ કરવા મળ્યું. આમ કાંડાગરા મધે શિક્ષણ ની પ્રવૃત્તિની શરૂવાત થઇ.
ગામ ની પશ્ચિમ તરફ ના પ્રવેશ નજીકના મકાનમાં પાઠશાળા શરુ કરવામાં આવી. હાલમાં આ મકાન અંબેમાં ના મંદિર સાથે ભેરવી દેવામાં આવેલ છે. ગામની પૃર્વ બાજુ આધુનિક સગવડ થી સજ્જ તા ૨૮-૦૫-૧૯૬૯ માં આ પાઠશાળા શરુ કરવામાં આવી.

૨) શ્રી પ્રેમજી વેરશી કન્યા વિદ્યાલય
કાંડાગરા મધે કન્યા શિક્ષણ ને શરુવાત શ્રી ચાપશી ધારશી છેડા તરફથી પોતાના મકાનમાં સવંત ૨૦૦૮ શ્રાવણ માસમાં શ્રી પ્રેમજી વેરશી છેડા તરફથી શ્રી સેવા સમાજ ને રૂપિયા ૨૫૦૦૦/- નું દાન મળતા પદ્ધતીસર ની કન્યાશાળા સારું થઇ.

ગામની પૂર્વ બાજુ બંધાયેલ આધુનિક અને સગવડ સજ્જ સુંદર મકાન માં પાઠશાળા અને કન્યાવિદ્યાલય તા ૨૮-૦૫-૧૯૬૯ ને શરુ કરવામાં આવી અને તા ૧૭-૦૮-૧૯૮૩ માં પાઠશાળા અને કન્યાશાળા નું સંચાલન જીલ્લા પંચાયત ને સોપવામાં આવેલ. હાલ માં ધોરણ ૧ થી ૭ સુધી નું શિક્ષણ આપવામાં આવે છે. અત્યારે બન શાળામાં લગભગ ૫૦૦ વિદ્યાથીઓ ને શિક્ષણ આપી રહ્યા છે.

૩) માતૃશ્રી દેવાલીબેન કેશવજી નરશી છેડા શિશુવિહાર
ઈ.સ. ૧૯૬૫ માં ફ્રેન્ડસ સર્કલ તરફથી ગામની પશ્ચિમ તરફ બાલમંદિર ની શરૂઆત થઈ. તા ૪-૩-૧૯૮૪ માં ફ્રેન્ડસ સર્કલ, સેવા સમાજ તથા મહાજનશ્રી નું એક્કીકરણ  થતા મહાજનશ્રી ને હસ્તે સંચાલન મળ્યું. ઈ.સ. ૧૯૯૬ માં શ્રી કેસવજી નરશી છેડા પરિવારે પંચાયત ઘરની બાજુમાં અતિ આધુનિક અને સગવડવાળું મકાન બનાવી મહાજનશ્રી ને સોપેલ સાથે રૂપિયા ૧,૫૧,૦૦૦/- નું કાયમી ફંડ આપેલ.

૪) શ્રી પ્રેમજી હીરજી હંસરાજ ગાલા બસ સ્ટેન્ડ
કાંડાગરા મધે આવતી જતી રાજ્ય પરિવાહન ની બસો ના પ્રવાસી ને તડકો ,વરસાદ વગેરે થી રક્ષણ મળે અને વિશ્રાંતિ લઇ શકાય તે હેતુથી મહાજનશ્રી ને બસ સ્ટેન્ડ બાંધવામાં શ્રી પ્રેમજી હીરજી ગાલા તરફ થી રૂપિયા ૧૨૦૦૧/- નું દાન આપવામાં આવેલ.

૫) શ્રી નાનજી હીરજી વાંચનાલય
વાંચનાલય ની શરૂવાત સવંત ૧૯૯૮ માં કરવામાં આવી. ૩૦૦ પુસ્તકો છે તથા દૈનિક વર્તમાન પત્રો આવે છે. વાંચનાલય સાથે શ્રી નાનજી હીરજી નું નામ જોડવામાં રૂપિયા ૧૦૦૦૧/- નું દાન એમના પરિવાર તરફથી મળેલ. ખંડ બનવા રૂપિયા ૫૦૦૧/- નું દાન હરી ખેતશી વીરજી તરફથી મળેલ.

૬) શ્રી ધનજી વાઘજી માવજત ખંડ
અમુક દવાઓ તથા માવજત ના સાધનો લાઈબ્રેરી ના રૂમ માં રાખવામાં આવેલ છે.
માવજત ખાતાના સાધનો નીસુલ્ક વાપરવામાં આપાવામાં આવે છે. શ્રી ધનજી વાઘજી પરિવાર તરફથી રૂપિયા ૪૦૦૧/- નું દાન મળેલ છે.

૭)માતૃશ્રી આસાઈબાઈ શિવણવર્ગ
બહેનોએ ને શિવણ ની તાલીમ આપવા શ્રી કાનજી રાવજી તરફ થી રૂપિયા ૧૦૦૦૧/- નું દાન મળેલ.

૮) માતૃશ્રી સુંદરબેન પ્રેમજી વેરશી માનવ રાહત ફંડ
મહાજનશ્રી ના સભ્યો નું કપરા સંજોગોમાં આર્થીક સક્ષમ આપવા શ્રી પ્રેમજી વેરશી પરિવાર તરફથી રૂપિયા ૫૦૦૦૦/- નું કાયમી ફંડ મળેલ. તદુપરાંત હાલમાં છેલ્લા ૫ વર્ષથી દર વર્ષે રૂપિયા ૧૦ લાખનું અનુદાન આપવામાં આવે છે. જેનાથી મહાજનશ્રી જરૂરતમંદ પરિવારને સંજીવની મેડીકલ વીમાના પ્રિમીયમમાં રાહત આપવામાં આવે છે તેમજ બીમારી વખતે સહાય કરવામાં આવે છે.

૯) શ્રી ખેતશી ટોકરશી જીવરાજ કાયમી શિક્ષણ ફંડ
દર વર્ષે મહાજનશ્રી ના દાતા શ્રેષ્ઠી પાસેથી રૂપિયા ૫૦૦૦/- નો ફાળો મેળવી જરૂરતમદ પરિવારને એમના ૧ થી ૧૦ ધોરણના સંતાનો ની સ્કુલ ફી માટે સહાય કરવામાં આવે છે. હાલ માં શ્રી ખેતશી ટોકરશી જીવરાજ ના સુપુત્રો તિલકભાઈ અને લખમશીભાઈ તરફથી રૂપિયા ૫૧ લાખ નું દાન મળતા અને મહાજનશ્રી ના અન્ય દાતાશ્રી પાસેથી રૂપિયા૭૫ લાખ મળતા સ્કુલ ફી ધોરણ ૧૨ સુધીના વિદ્યાર્થીઓ ને તથા ટિયુસન ફી જરૂરત પ્રમાણે આપવામાં આવે છે.

૧૦) આવાસ યોજના
શ્રી કરછી વી ઓ જૈન ફાઉડેશન તરફથી સમાજના જરૂરતમંદ પરિવાર ને સસ્તા દરે આવાસો મુંબઈ ના નજીક પરાઓમાં આપવામાં આવે છે. કાંડાગરા મહાજનશ્રી ના જરૂરતમંદ પરિવારોને ભરવામાં આવતી રકમ માટે સહાય કરવા મહાજનશ્રી ને રૂપિયા ૨૧ લાખ શ્રી પ્રેમજી વેરશી છેડા પરિવાર ના શ્રી કેકીનભાઈ તથા મહેન્દ્રભાઈ, શ્રી રસિકભાઈ અને રમેશભાઈ તરફથી તેમજ રૂપિયા ૧૧ લાખ શ્રી ખેતશી ટોકરશી જીવરાજ પરિવાર તરફથી તેમજ અન્ય દાતાશ્રી ઓ તરફથી દાન માં મળેલ. અત્યાર સુધી ૩૯ પરિવારો ને આવાસ મળેલ છે. ભવિષ્યમાં અન્ય પરિવારોને પણ આવાસ ફાળવામાં આવશે.

૧૧) શાંતિધામ અતિથીગૃહ (Senetory)
ઘર ખોલવું, સાફ સફાઈ કરવું અથવા સજોગવાસ પોતાનું ઘર ના હોય, આવી સર્વ તકલીફો દુર કરવા મહાજનશ્રીએ ગામની પશ્ચિમ દિશાએ અને તળાવની સામે ૧૮ સુવિધાવાળા બ્લોક વાળું અતિથીગૃહ બનાવિયું છે. જેનું ઉદઘાટન તા ૧૪-૧૧-૧૯૯૧ ના રોજે માનનીય શ્રી દામજીભાઈ એન્કરવાલા ના કરકમલે કરવામાં આવેલ.

૧૨) શ્રી લાલજી રતનશી સુરા મહિલા ઉદ્યોગ ગૃહ
મુખ્યત્વે બહેનોને પુરક વ્યવસાય મળી રહે એ ઉદેશથી આ પ્રવૃત્તિ માટે શ્રી લાલજી રતનશી પરિવાર તરફથી રૂપિયા ૧૦૦૦૧/- નું દાન મળેલ. પરિસ્થિતિમાં પરિવર્તન આવતા આ પ્રવૃત્તિ આ ફંડ થી શરુ કરવા મહાજનશ્રી ના અજેંડામાં છે.

૧૩) શ્રી શિવજી ધારશી વ્યાયામશાળા
સ્વ શ્રી શિવજીભાઈ નીડર અને પ્રાણીવંત કાર્યકતા હતા. સમગ્ર ગામની સારી સેવા બજાવેલ એમના યાદ સ્વરૂપે મહાજનશ્રી તરફથી શાળાઓ ના પ્રાગણમાં વ્યાયામશાળા શરુ કરવામાં આવેલ છે. હાલ માં જીલ્લા પંચાયત સંચાલન કરે છે.

૧૪)  રોડ લાઈટ
મહાજનશ્રી તરફથી ગામમાં રોડ લાઈટ ની સગવડ કરવામાં આવેલ છે. જેનું બીલ ની ચુકવણી તથા મરામત પણ મહાજનશ્રી તરફથી કરવામાં આવે છે.

૧૫) મુક્તિધામ (સ્મસાન ગૃહ )
શ્રી ચાપશી ધારશી છેડા તરફથી ગામની દક્ષિણ દિશામાં આવેલ ખેતર સવંત ૨૦૧૨ માં મહાજનશ્રી ને સ્મશાન ગૃહ બનાવામાં અર્પણ કરવામાં આવેલ. ઈ.સ. ૨૦૦૫ માં નુતનીકરણ  કરવામાં આવેલ છે. અન્તેસથી ક્રિયા માટે લાકડા કોઈ પણ જાતની કીમત લીધા વગર આપવામાં આવે છે.

૧૬)ચબુતારો
કબૂતરો ને ચણ અને કુતરાઓ ને રોટલો દરોરજ આપવમાં આવે છે. ફૂલવાડી વાવ પાસે આવેલ ચબુતરા નું નુતાનીકરણ ઈ.સ. ૧૯૯૩ માં કરવા માં આવેલ.